【學琴家長必讀】四大家長常犯錯誤！學音樂前一定要注意！

N 年前已經講緊，要養大一個小朋友，開支 400 萬起跳，今時今日香港地百物騰貴！每一蚊都要諗過度過何況投資係小朋友身上，更應該謹慎考慮清楚。無論你單純想為小朋友培養興趣，定係想仔女入讀名校，好多時都會考慮俾仔女學音樂，但係大部分港媽港爸都會犯左以下幾個嚴重錯誤，白白浪費時間金錢，每個月都倒錢落海！

小朋友今個星期無練琴， 可唔可以下星期先上堂？

專業嘅音樂老師教學前一定會做好準備，一早編排和設計好全套課程，無故缺席不但影響整個課程，還會影響小朋友對音樂的興趣。

好多時家長安排仔女的活動太密集，導致沒有練習的時間或練完都唔識，就請假一堂。以為可以有更多時間練習，會對小朋友更好，又不會浪費金錢。其實正正相反！因為仔女唔識更一應該上堂問老師，唔上堂只會令個問題變得嚴重。但係最重要嘅，係會令小朋友習慣逃避，一遇到困難就選擇離開，而唔係解決問題最終會影響仔女一生。

仔女學音樂，家長要坐底一齊聽？

為左令小朋友留心，好多家長會坐底一齊上堂，以為仔女會學得更好，又可以記下課堂要點，練習時幫忙。其實呢個做法絕對會影響到小朋友，形成無形嘅壓力。更嚴重嘅係，好多家長會加把咀，「幫手」指出仔女嘅錯誤，嚴重打擊學生信心，最後對音樂感到害怕，慢慢放棄音樂。

學音樂變成家長的責任？

香港嘅教育制度，好多少令到小朋友為學分而學音樂，或者家長為左仔女可以易啲考學校先去學琴。令到家長好緊張學習音樂的進度，反而令小朋友依賴左家長，唔識獨立。更會令小朋友覺得學琴係家長嘅事而唔係小朋友自己嘅事。曾經見過唔少學生，因為家長太緊張，令到小朋友為左討好家長先去練習/學習，而係培養音樂興趣，完全本末倒置。

一聽到有錯就立即指責小朋友？

陪伴仔女練習時，大部分家長都會嘗試指出小朋友的錯誤。原意並沒有錯，但方法就唔恰當。

根據Paul harris嘅說法，呢一種教學法叫 Mistake correction teaching，係屬於比較舊哪教學法，壞處係會令小朋友覺得悶，減低自信心，慢慢覺得學嚟學去都唔識，最後選擇放棄。

總結

要令仔女對音樂有興趣，係學習音樂前一定要搵到適合你小朋友學習嘅方法。咁先可以令小朋友有效去學，事半功倍。